"Anghel sa aking pananampalataya" (Tula- Alay sa lahat ng marunong umibig ng totoo.)

Anghel sa aking pananampalataya (By: E.Jane)

Naniniwala akong totoo ka

Kahit ang mga mata ko ay ipikit pa

Hindi man makita'y nasa puso kita

Nananalangin na minsa'y makasama ka.

Humarap sa durungawan

Palad ay pinagdikit ng marahan Mata'y ipinikit, 

tumingala upang dinggin ang aking kahilingan

Sa lahat ng anghel sa kalangitan

Ikaw lang ang aking kailangan.

Alam kong hindi mo ako kailangan ngunit mananatili ako

Alam kong hindi mo ako gustong makasama, 

pero hahawakan ko ang kamay mo

Alam kong hindi ako mahalaga

ngunit handa akong maghihintay para sayo.

Abutin man ako ng dalawang libong taon kahihintay sayo

O ibuwis ko man ang buhay tanda ng pag mamahal ko

Mamahalin parin kita hanggang sa dulo man ng pag-hinga ko,

Ang lahat ng ito ay maasahan mo.

Hindi mo man maibalik ang lahat ng ito

Magpapasalamat parin ako

alam kong bubukas ang langit upang dinggin ang kahilingan ko

At bababa ang anghel sa pananampalatayang pinaniniwalaan ko.